الأربعاء، ديسمبر 30، 2009

هل الكافر يصلي؟

الويل لي..
نعم أستحق الويل !!

فقد قال شيخنا أن من سهى عن صلاة وصلاها في غير وقتها أو أخرها فإنه يستحق 
الويل وبنص آي القرآن في (الْمَاعُونْ)..!!

ولأن الويل تستعيذ منه باقي أودية جهنم..فإنه أدرج حديث ((ويل للأعقاب من
النار))..!!

ولما رأيته منتفضاً واحمر وجه واتسعت عيناه وهو يقولها..تمنيت أنني بلا عقب
حينها..!!

(الأعقاب: مؤخرة القدم)


لكن شيخنا لم يذكر عقاب من يحاصر مليون ونصف من إخوته..!!

لكن أحدنـا سأله: ماحكم من يضرب بسور حديد ليحبس هذا العدد من إخوته ويذيقهم 
العذاب؟

فعدل الشيخ من هيئته واستوى في جلسته..فسوف يجيب عن ربه وليس عن ربنا..!!
وقال: إن الرحمة في هذا السور ياجهلاء وإن بدا من قبله العذاب..وإن لم تقنع بجوابي
 ستعلم غداً بالتأكيد..!!

وصدق شيخنا ولأول مرة يصدق..أتت الأخبار في الغد أن جماعة الخير جاؤا إليه فجراً 
وأخذوه إلى جهة مجهولة معلومة ليخبروه بالجواب والفتوى الصحيحة..!!
*
*
بمناسبة الصلاة..

لي جار أراه في كل صلاة فجر واجماً وعبوس الوجه وكنت أشفق عليه..فسألته ذات
مرة: مابك ياعزيزي؟مالي أراك كل يوم واجماً؟

تنهد بعض الشيئ ثم قال: أتعرف؟!!
أنا أرشح والدتي للإنضمام إلى تنظيم القاعدة..!!

انعقد حاجباي في إشارة إلى الإستغراب ومتابعة لحديثه..وهو يتابع بقوله:
دائماً ماتوقظني أمي: بعبارات وكلمات صعبة..أقلها: (أوم صلي ياموكوس) وبالطبع
لست في حاجة إلى القول بأن أصعبها: (أوم صلي ياكافر!!)


تركته بعد أن أخبرته بفضل والدته وأنه إن تضايق من أسلوب أو وسيلة فليس هناك
شكلة لأن الهدف يتحقق..ودائماً ماتحتاج الوسائل إلى تعديل.وطلبت منه أن يتحاور

 مع والدته..(وكفاية وكسة وكفر..إحنا ناقصين)..!!
بالفعل تحدث إليها..وليته فعل منذ مدة..!!


أتعلمون؟

لو أننا نمتلك حكومات مثل والدة جاري لكان حالنا أفضل..

نريد حكومة(تصحينا مش تنيّمنا)..ولتفعل ذلك بأيّ ألفاظ..(إلا القبيحة بالطبع).
كما أننا نريد حكومة تقبل بالحوار معنا بغض البصر وافقت على طلباته أم لا..!!

الحوار يكفي ولو مع عضو مجلس الشعب ممن رشحناهم..!!


لكن الشيئ الذي أستغربه فعلاً هو حال تفكير والدة جاري عندما كانت تقول له: (أوم صلي ياكافر)..!!
هل الكافر يصلي؟





السبت، ديسمبر 26، 2009

عندي صداع

رفيدة بنت أختي عندنا..ثم  جاءت رقية بنت عمي هي الأخرى
مجموع أعمار (روفا و روقا) لا يتعدي ثلاث سنوات ونصف


وأنا مصدع جداًً جداً منهم..








لا يغركم تلك البراءة في الصور..دول عفاريت ياحج..


ربنا يكون في عون اللي عنده عيال صغيرة..وبالذات اللي عندهم توأم

الثلاثاء، ديسمبر 08، 2009

حاجة جميلة خالص...حمزة نَمِرَة

الأحد، نوفمبر 22، 2009

إني كافر..إني كافر!!!

نعم قد صبئت
أسمع صوتاً يقول: أجننت؟أكفرت حقاً؟...عد إلى رشدك..


مهلاً..مهلاً.لما لاتسمعون مني عل فيكم ذو عقل رشيد ليكفر معي!!
إني كنت مؤمناً حقاً..ثم ها أنا أُعلن كفري على الملأ وليسمعها الجمع:


كفرت بمودرن سبورت ودريم والنيل للرياضة والحياة
كفرت بلعبة خلقت فتنة بين شعبين وآسف أن أصفهم بالحمقى!!
ثم إني كفرت بالحمقى من هؤلاء وهؤلاء..
كفرت بالشروق الجزائرية وكل سفهاء الإعلام..بكل من تكلم بحرف غير حق في هذه المهزلة..كفرت به ولن أؤمن به ثانية
كفرت برويبضة يخرج في تظاهرة من أجل لعبة..وآخر يضرب أخاه من أجلها


وطالما كفرت..فأعلن كفري أيضاً بـ:((الفائز أبي، لعبة الحياة،fear factor)) وبالفضائيات التافهة..
كفرت بالمفتش كرومبو ونفيسة وسرحان....


كفرت بـ:( ترافيان، البوكر،on line games))
**************
كنت مؤمناً حقاً بمنتخب الساجدين...لكن هيهات سجدوه ينفع وسط هذا الزخم من الفوضى!!
أصبح ذا المنتخب ضره أكبر من نفعه


يذكر أني كفرت من قبل بـ: زووم ومزيكا وكل ما وصل اسمه بـ أفلام وسينما من قنوات تعمل على الفتك بقيم المجتمعات--المؤمنة بهم للأسف--


باركوا لي كفري..وهيا اكفروا معي وقولوا لكل مؤمن:


((أف لكم ولما تعبدون...))

الأحد، نوفمبر 15، 2009

|::بــــــــرآه::| حد فاكرهـا؟







الطفلة براءة هي طفلة عمرها 10 سنوات منذ سنة كانت تعيش هذة الطفلة كأي طفلة ,
ابوها وامها اطباء ومتفوقة في دراستها وكانت مدرستها تقول لها "انتي المفروض تكوني في الاعدادية" ماشاء الله وكانت حافظة القرآن كاملا
كانت هذة الاسرة مصرية تعيش في السعودية
في يوم شعرت الام بآلم وعرفت انه ألم السرطان وعندما تأكدت من الاطباء علمت ان ايامها معدودة وطبعا الاعمار بيد الله وجاءت للام الشجاعة ان تخبر ابنتها براءة بمرضها فقالتلها "يابراءة انا هسبقك على الجنة" وظلت توصيها بالحرص على تلاوة القرآن وبدأت حياة الطفلة تتغير تذهب الى المدرسة وتعود الى المستشفى وترتل القرآن بجانب امها وذات يوم اتصلت المستشفى بالاب واخبروه ان الام في خطر فذهب ومعه براءة وترك براءة في السيارة وطلع المستشفى ليطمئن على الام وعندما نزل اصطدم بسيارة فمات امام عينيها واخفو الخبر عن الام هذا الاب الذي كانت تظن انه ستكمل معه حياتها بعد امها مات قبل امها
وبعد 5 ايام توفيت الام واسرع اصدقاء ابوها بالتفكير فيها ستعيش مع من
ولكن كانت المفاجأة الكبرى ان براءة تحمل نفس مرض امها فقالت الحمد لله اني هشوف ماما وبابا
فتكفل بها رجل سعودي لايريد احد يعرف اسمه وسفرها الى بريطانيا كي تتعالج وهي في المستشفى سرح المرض بجسدها وقرر الاطباء ببتر ساقيها وهي صابرة وراضية بقضاء الله وبعد مرور ايام سرح المرض مرة اخرى
ووصل للمخ واجرت عملية دقيقة جدا في المخوظلت بعدها اسبوع في غيبوبة وتستمر في فترة العلاج الى الان ومعها صبر ورضا بقضاء الله وقدره وامل بان الله على كل شئ قدير


ادعو الله لها بالشفاء العاجل لها ولجميع مرضى المسلمين وان يرحم والديها وجميع موتى المسلمين



حمل لها:




شاهد أيضاً:


الجمعة، نوفمبر 06، 2009

||..اللي فات واللي إحنا فيه واللي جاي ان شاء الله:)

السلام عليكم..
معلش العنوان طويل شويتين..
[..وقف للنشر هنـا ثم دراسة الأمر ثم عودة مرة ثانية...[
كل الحكاية إني موجود على النت بصورة معقولة وحابب يكون لي شيئ خاص ومهمة على النت اكتب فيهارأيي وأنشر فيها مايهمني..
فبعد فترة الدراسة وهي الفترة السابقة قررت العودة بصورة منتظمة على أن يكون تواجدي هنا غير عشوائي..كمان العبد لله بعد ماخلص التعليم اللي بالغصب..حصلت له شوية تطورات-علي الصعيد الشخصي-وطبعاً هايكون في جديد دايماً في دنيا البحث عن وظيفة..
وجو الفراغ اللي الواحد فيه..كان عامل أساسي فى تشتت تفكيري..شوية أبدأ أتعلم فى الفوتوشوب..وشوية أكسل..وادخل في كتاب وماكملوش وأقرأ واحد تاني..كمان دخلت في تنفيذ كام فكرة على [..الملتقي..]..فقررت خلع يدي من كل شيئ وأنظر أين سأعطي؟ وأين سأنتفع.؟.ومن ثم الإنطلاق..!!
فالمدونة، وغرفة سرايا الدعوة علي البالتوك،ومشروعين فقط علي الملتقي..الذي كان له تفكير خاص لوحده..
ماسبق فقط سا أعمل فيه فى الفترة الحالية..فقط..
فالعبد لله مازال يبحث عن نفسه!!
**ـــــــــــــــــــــــــــــــــــــــــــــــــــــــــــــــــــــــــــــــــــــــــ**
عدنـا والحمد لله..وقريباً أبدأ
أخوكم.

الثلاثاء، أكتوبر 06، 2009

قيد الدراسة


السلام عليكم

أدرس الرجوع إلى المدونة مرة أخرى..ولكن بشكل مختلف

دمتم بخير

الأحد، أغسطس 30، 2009

تتر..النهاية

السلام عليكم ورحمة الله وبركاته

هذه الرسالة هى لحن الوداع وتتر النهاية لشخبطة

فقط لم أستفيد منها كما كنت أريد والتفاعل فيه ليس كما فى الملتقى

اما عن ماعرفت من المدونين فمازال لى حسابى على غوغل ومعاكم دوماً وأتمنى للجميع التوفيق

دمتم بخير..وفرصة سعيدة جداً

الثلاثاء، أغسطس 25، 2009

مالسبب؟


السلام عليكم

كثيراً مأردت أن أتكلم مع أحد...ولكن لايحدث

وكثيراً أجدنى غير قادر على الكتمان أكثر من هذا

واحـاولـ إيجاد أحد أتكلمـ معه...ولكن لا أجد

لايعنى هذا أننى بلا أصحابـ...لا..فهم الحمد لله كثير بل كثير جداً

وهم ليسوا أصحاب فقط بل أحباب وإخوان...ولكن لا أدرى مالسبب؟

هذه ليس حالة عارضة او مشكلة طارئة بل صفة من صفاتى

لاأعلم هل هذا شيئ حسن أم لا؟

ولكن أياً يكن فهو حدث ويحدث وسيحدث فيما بعد كثيراً

هل مر أحدكم بمثل هذا من قبل؟؟

أتعلمونـ: اننى كلما قررت أن أتكلمـ مع أحد شيئاً ما يحدث لى

يلعب القدر دوره ويمنع هذه الحكايا أو الفضفضة

اما هذه المرة فقد منعنى من الفضفضة اننى ذهبت لمن عزمت الأمل عليه

أستاذ من أساتذة الإخوان...علقت عليه الأمل هذه المرة

وعندمـا ذهبت لم أجده..!

أما ماشجعنى على الكتمـانـ فهو قول الأستاذ/ناصح أمين فى الخيمة الرمضانية بملتقى الإخوان:

لا تشتكي لأحد وبداخلك عقل وصحة وعلم

قد لايكون قصد مافهمت ولكنى فهمت ما أريد..!

الخميس، أغسطس 20، 2009

رمضـــــــــــــــــانــ كريــــــــــــــــــــــــــمــ


شهررمضان ليس مجرد شهر لتغيير مواعيد الطعام والشراب، ولكنه (شهر الثورة) على البطون النهمة والشهوات المشتعلة، والأخلاق الرديئة المنفلتة، وشهر تضييق مجاري الشيطان من ابن آدم، والتخلص من الضعف النفسي والتراجع الروحي، والتعالي على الاستئثار والبخل والإغراءات المادية وزهرة الحياة الدنيا الفانية، وتجاوز الأنانية والتفرق إلى التعاون على البر والتقوى والاعتصام بحبل الله المتين. إنه شهر الاستجابة للنداء العلوي: "يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ" (الترمذي).

السبت، أغسطس 08، 2009

الفترة اللى إحنا فيها دى

السلام عليكم

انا مقصر فى حق المدونة جامد وعارف كده لكن مش بيدى الفترة اللى النت فصل فيها عندى كتبت كذا موضوع فى أجندتى ونويت أكتبهم هن أول ماالنت يرجع..وأهو رجع لكن المشكلة إنى ماشى فى سكة الجيش دلوقتى

إدعولى بالتيسير..ومن وقت للتانى هادخل أنشر حاجة منها

وأترككم مع هذا التقرير:

الأربعاء، أغسطس 05، 2009

خلااااااااااااااااااااااااااااص

أنا

خلصت

تعليم


وشكراً

السبت، يوليو 25، 2009

النت راح..النت جه!



غيرنا الروتر ومانفعش...نعمل إيه؟

غيرنا السويتشات ومانفعش..نعمل إيه؟

ماحدش يشغل باله....المهم بعد مواويل طويلة وحكايات كتيرة..أخيراً والحمد لله صفحة جوجل بتفتح فى 10 ثوانى وكمان الماسنجر بيفتح..وكفاية كده..هو حد لاقى!!

عالعموم دا اللى منعنى عن المدونة فى الفترة اللى فاتت وكمان إحتمال الفترة الجاية كمان..والخبر دا بكتبه من عند أختى..وسلام بقى لغاية ما أشوفكم..!

الأحد، يونيو 28، 2009

فى الهايف يانننس


السلام عليكم

فى هذه المرة لم أمسك بالقلم لأكتب شيئ معين...ولكن لضيق وقع فى صدرى وهم الم بى...فممكن اللى هنا يبقى أى كلام....

وياعالم ممكن أكتب حاجة تنفع بلدى وساعتها هاتحتفل بيا الحكومة وترمينى فى السجن بأى تهمة وأتوقع إنها -أى التهمة- تكون بعنوان: من أين لك هذا؟؟
ودا لأن هذا اللى معايا عبارة عن خمستاشر جنيه وخمسة وأربعين قرش منهم 3 جنيه عملة معدنية و2 جنيه أرباع مخرومة..أو أى تهمة تانية..مش هاتفرق المهم إنهم يكافئونى على خدمة البلد..

--مثلاً ممكن فكرة مسابقة هايفة زى المفتش كرومبو مثلاً أو سرحان ونفيسة وساعتها بتوع القنوات الفاضيائية ينبسطوا بالفكرة ويشتروها.

--ممكن أكتب عن واحد صاحبى صفات حلوة وأقعد أتغزل فيه هو واللى جابوه ومش مشكلة لو أنا مخنوق منه...أهو الواحد حتى يستفاد علشان لما ربنا يكرم ونشتغل نعرف نتدرج فى السلم الوظيفى بصورة غير طبيعية وبدل مانطلع السلم درجة درجة نبقى نطلعه قلبة قلبة.

--ممكن اكتب رأيى الحقيقى عن رجل أعمال من إياهم أو شخصية من اللى بيقولوا عليه صاحبة مركز إجتماعى..وممكن رأيى دا ينشر فى أى جريدة معارضة من بتوع: تحيا مصر وتسقط حكومة مصر.حتى لو إن الراجل اللى كتبت عنه طلع جوز بنت عم إبن خال مرات أخو رئيس تحرير جريدة حكومية من بتوع: مصر أمنا والنفاق بيجرى فى دمنا..
ساعتها بقى هاتهزأ ويلبسونى تهمة سب وقذف وإلقاء تهم بدون دليل وأتحبس برضه بس المرة دى ممكن أطلع ضمن المفرج عنهم ممن شملهم أول قرار عفو رئاسى عن مساجين الرأى من السيد الرئيس الذى كان قبل دخولى السجن نجل الرئيس....
اما لو كان رأيى فى الراجل دا كويس فمن المؤكد أننى سأكون من القائمين على تجهيز الحفل الخاص بتنصيب السيد الرئيس""اللى هو كان نجل الرئيس"" رئيساً للبلاد.

--ممكن أكتب خاطرة عن آفات اللسان وألقيها فى المسجد اللى جنبنا بعد أى صلاة من الصلوات وساعة ماخلصها..يقوم الحاج الدمرانى عسكرية مجضوع على إيده الإتنين ويرفع كرشه فوق مستوى سطح الصدر ويقول"بتأثر": ياسسسسسلاااااااااام كلمة جميلة والله يابا الأستاذ بس على الله البهايم اللى سمعوها دول يستفادوا ""آفات اللسان بقى"".

واهو أى كلام والسلام...وعلى راى محمود عبد العزيز فى فيلم الكيف:
"إدينى فى الهايف وأنا أحبك يانننس"".

الاثنين، يونيو 22، 2009

بعد الإمتحانات

بسم الله الرحمن الرحيم

لا أعلم كيف أبدأ الكلام وهل أكتب بفرحة لأننى انتهيت من مرحلة التعليم التى كنت أكرهها أشد الكره ولم أفرح بها وحاولت أن أحب كليتى أو بالأصح الدراسة فيها ولكننى لم أستطع...هل أفرح لذلك..أم أحزن؟؟

نعم احزن لأننى فارقت احب أهل الأرض إلى القلب....لأننى فارقت صحبة الخير..من تشاركنا معاً فى الأفراح والأحزان..من إذا جاؤا على خاطرى انتفض القلب من مضجعه ليثر العين على البكاء..قد لايصدق ذلك من عاشرونى ..لكننى والله تعلقت بهم لدرجة تفوق الوصف..ولكنها الفانية ما إن نفرح بها وتفرحنا حتى تأتى لحظة الوداع..

آآه لفرقتكم..هلى انتهى كل شيئ..انتهت أيام العشرة والحب..انتهت أيام اجتمعنا فيها على طاعة الله والعمل على تبليغ دينه فى الجامعة..

]يارب صبرنا[

حالة من الهم والضيق الشديد تصاحبنى بسبب هذا الفراق..وكنت فى الفترة الماضية كلما جلست مع نفسى وتصورت اللحظة الأخيرة التى عندها سينتهى عندها الكثير بكيت ولكن كما هى عادتى لم أبكى أمام أحد...كم كنت أود ان أبكى امامهم وأنا أعانقهم..

خاصة..الثلاثة:

-الأستاذ حمزة احد اكثر من تعلقت بهم فى الجامعة أو بالأصح أحد ثلاثة...عاشرته عامين..!! كم كانت رفقته ممتعة ولذيذة لحظات كثيرة عشناها سوياً..

-عبتشو والدكتور أسامة..هكذا احب ان اناديهم عاشرتهم من بداية الفترة الجامعية إلى نهايتها..

والله لاأستطيع التعبير عما بداخلى يمر على شريط السنين ليحكى كل ما مضى فيها وأتذكر هذا الموقف وتلك الرحلة وهذا العمل وهذا المدرج وهذا المعمل.....الخ...وفجأة وجب علينا أن يعود كل منا إلى داره وبيته ليمضى فى تلك الدنيا.

ليعذرنى الجميع فلا أستطيع التكملة..وليعذرنى جميع إخوانى فالكل لهم حب وود لايوصف ولكن هؤلاء الثلاثة كانوا كما قال جمعاوى صاحب مدونة فكك منى:
[[هناك اناس يعزفون على أوتار إحساسنا ألحاناً رائعة و يخلدون فينا ذكرى لا تمحى ،نهفو إلى رؤياهم و يزدان الوجود بهم ، لنا فخر بمعرفتهم ، فليحفظهم الله و ليحفظ الله الود بيننا]]. وليعذرنى الثلاثة أيضاً فوالله ليس هذا مالهم عندى فلهم الكثير والكثير وإننى لأندم الآن أشد الندم على مافرطت فى حقهم..
لاأدرى هل سيقرأ الثلاثة هذا الكلام أم لا..... وإن قرأوه هلى سيقع منه شيئ فى قلوبهم أم لا..

لكن يكفى أن يعلم ثلاثتهم أنهم أحب أهل الأرض إلى قلبى..كما أننى والله لاأنساهم من دعائى أبداً..فلكم منى تحية حب ياسادتى وياأعز الناس
وأسأل الله عز وجل أن يجمعنى بهم فإن لم يكن فوق الثرى ففى جنة رب السماء..
وطالما تكلمت عمن أحببتهم وتعلقت بهم فاحب أمسى على الناس اللى اتخرجو السنة اللى فاتت:
[حبى:محمد النجار،وحبيبى عبده عبد المحسن،والإسكنرانى الجدع:مصطفى الطاهر].


الأربعاء، مايو 20، 2009

حتتين على السريع


بعد السلام وأحلى الكلام
وبعد مادتين إمتحان
قلت أسلم عليكم بشوية كلام


:

(1)

ليلة إمتحان القرآن



كنت قد حفظت فى هذا اليوم سور الإسراء والحجر والكهف ويوسف و3 أرباع من آخر التوبة

يعنى تقدر تقول حفظت وراجعت فى بتاع يومين كده 3 أجزاء

شفت بقى

أى والله 3 أجزاء وبصراحة كانوا يومين زى العسل قرآن وبس والواحد كان كاره يسمع أى حاجة تانية غير القرآن

::

كنت حابب أوصلكم أد إيه القرآن جميل وفعلاً زى ماقال الرسول[صلى الله عليه وسلم]: (من أراد الدنيا فعليه بالقرآن ومن أراد الآخرة فعليه بالقرآن ومن أرادهما معاً فعليه بالقرآن).

كمان عاوز أقولكم إن الإنسان ممكن يعمل أى حاجة بس دا لو كان عاوز يعمل فعلاً

**********
(2)

حابب أعلق على موضوع الوفاة بتاع ابن ابن الريس

يصراحة كنت عاوز أقول كلام كتير لكن هاكتفى بكلمتين:

الملك دخل قصر الملك

الأولى بفتح اللام والثانية بكسرها

دمتم بخير وأشوفكم على خير إن شاء الله

:

وفى الختام عليكم السلام

الأربعاء، مايو 13، 2009

واجب الوقت..

السلام عليكم

إلى القليلون الذين عرفوا المدونة وعرفونى عن طريقها



أسألكم الدعاء علشان الإنطحانات دخلت والصداع هايشتغل

ولسه هابدأ يوم الأحد مع إن فى جيران ليا خلصوا زى هايدى مثلاً وماتسألش مين هايدى وكمان مهند هايخلص يوم السبت وماتسألش مين مهند برضه



وواجب الوقت الان هو المذاكرة والمذاكرة وإن كان هناك شيئ آخر فهو المراجعة

أسألكم الدعاء وقبل ان أترككم أتمنى من الجميع أن يكتب لى بنصيحته حتى أعود..لكم خالص تحياتى...!

الخميس، أبريل 30، 2009

إمتحانات....وكله بتاع ربنا




سلامو عليكو
إمتحانات نهاية العام وإن شاء ربنا إمتحانات آخر عام فى أم التعليم اللى الواحد بيتعلمو غصب عنه وبالعافية..المهم خلونا فى الإمتحانات.

طبعاً الكلية اللى أنا فيها الترم فيها عبارة عن أسبوع أجازة ودا الأسبوع الأول وأسبوع تسخين ودا الأسبوع التانى وشهر نفخ فى المدرجات والمعامل ولو انت فى القسم اللى أنا فيه هيبقى النفخ فى الرحلات كمان..أما باقى الترم فهو عبارة عن إمتحانات فى إمتحانات والواحد بيوصل لدرجة متقدمة جداً من السوء ومابيصدق آخر الأسبوع ييجى علشان يروح البلد يقعد مع الحاج والحاجة ومحمود أخويا وألعب مع رقية بنت عمى..(وسمعنى سلام العائلة والناس ياعم الحاج)..لكن أحياناً أو بصراحة غالباً بيطلعلك واحد يقولك انا عوز الكشكول يتسلم يو السبت ولا هاعملكم إمتحان أعمال سنة مثلا وبصراحة بيبقى امتحان ولا له أى لزمة فى أى حاجة...يعنى مثلا الدكتور محمد فتحى اللى بيدينا العملى بتاع التحت سطحية وجيولوجيا البترول قال لنا بالنص الواحد:



إسمع يا بسبس إنت وهو السبت الجاى إمتحان واحفظو((..حاجات كتير ما تشغلش بالك..)) وبعد ماطلع عنينا فى محاولة حفظها وماحصلش نصيب ومعرفناش نحفظها كلها بدأ الإمتحان وقام سايب السكشن وخرج والحل ابتدى ياجدعان بالظبط زى اللى فى الصورة الجاية:







وبمناسبة الدكتور محمد فتحى فهو مخنق علينا على الآخر وفى أحد مرات التجلى والروقان التى نادراً ماتصاحبه قالى بالحرف الواحد أيضاً:



(والله يامشمش انت وهو ممكن تنجو فى جيولوجيا المياه أما البترول والتحت سطحية..بصراحة ماأوعدكوش ماشى يابسبس انت وهو..)



واحنا إمتحنا جيولوجيا المياه والحمد لله كانت تمام ويوم الثلاثاء الجاى هانتحن المادة التانية..إدعولنا..أصل الواحد خلاص بقى حاله صعب جداً ويصعب على الطلبة اللى فى خدمة إجتماعية

وإمتحنا كمان مادة المناجم وعلى رأى عمر صفوت:مناجم وحاجات بتهاجم واللى بيدنا النظرى بتاعها الدكتور أحمد سعد وما أدراكم مالدكتور أحمد سعد..دا عاوز بوست لوحد علشان نوصف فيه وفى شرحه الممتع وفى أسلوب تعامله الأمتع منه (طبعاً أنا بئلس) لكن ممكن أذكر موقف واحد:


فى أول محاضرة له داخل علينا وفى إيده العدة اللى هايشرح منها وبدون مقدمات ضحك ضكته المميزة جداً وقال هو كمان بالنص الواحد: إنتو كتير كده ليه؟..ضحكة بسيطة..لكن مش مهم زمايلكو بتوع السنة اللى فاتت كانو كتير برضه وسقطو..ضحكة أطول من اللى فاتت..وانت كمان هاتسقطو..الضحكة بدأت تبقى فظيعة..والله هاتسقطو..ثم ختم تلك الجملة اللعينة بضحكة مدوية دوت فى أرجاء مدرج 1 اللى تلت ترباعه لايصلح للإستخدام الطلابى..


نرجع بقى للمناجم: بعد ماخرجنا من الإمتحان تأكدنا إن إحنا كنا بنمتحن فعلاً حاجات بتهاجم زى ماقال عمر صفوت.. وكان الإمتحان فى سرعة إستخدام القلم فى الكتابة وسرعة النقر فوق الالة الحاسبة..وكان طوييييييييييييييييييييييييييييييييييييييييييييييييييييييييييييييييييل


-الدكتور محمود بتاع الجيوكيمياء العملى لما دخل بيراقب على سنة 3 قالهم راخر بالحرف الواحد:


(إتظبطو وكل واحد يبص فى ورقته أنا لسه مظبط زمايلكو اللى فى 4 (ياجدع اختشى..أصل أنا فى 4 ) وبعدين تجلى على الآخر وأطلق حتة دين رسالة تحذيرة بصوته العالى جداً: واللى بيته من إزاز مايقلعش فى الصالون..وإنطلقت معها الضحكات الساخرة من كل سنة 3 ...ياسلام على التظبيط يادكتور..


-بئولكو إيه إنا عندى إمتحانات أيام: السبت والأحد والأثنين والثلاثاء..كلو ورا بعضه والواحد مضغوط أكتر من العربية دى:


-لكن هناك سؤال محورى جداً: إنت ليه نازل تقعد على النت الوقت دا كله فى الضغطة السودة اللى انت فيها دى؟
وهنا تأتى الإجابة المحورية أيضاً: علشان دكتور المشروع نافخنا هو كمان وانا دلوقتى هاظبط فيه وقلت أسلم عليكو..وكمان المادة الجداية إن شاء الله سهلة..

..وفى الختام ..عليكم السلام..

الخميس، أبريل 09، 2009

[شيــئ منـــى]..(1)



دعنى أسكب العبرات وأبوح وأتكلم...فلطالما إشتقت للبوح ولكن متى سيأتى ذلك الذى يسمع منى...


لاأدرى؟


-هناك من يود سماعى لكن ليس بالضرورة القصوى بالنسبة إليه--على ما أعتقد--..


الصداع يملأ رأسى من كثرة التفكير ومن كثرة الواجبات...يبدو أننى لست قادراً على قيادة نفسى وحياتى ووقتى..


-دائماً عندما أمر بهذه المرحلة من ضيق النفس وعدم القدرة على القيام بواجباتى اتحمل وأستمر ولا أشكى لأحد..


ولكن إلى متى؟


ولكن هذا لايحل مشكلة فما بالك بمشاكل..



[ تـ + ر + ا + كـ + مـ + ا + تـ = تراكمات ]

[ ضـ + غـ + و +طـ = ضغوط ]

[ حـ +يـ + ر + ة = حيرة ]

[ صـ + د + ا + عـ = صداع ]

[ إ +حـ +تـ +يـ + ا + جـ = إحتياج ]

[ ا + لـ + لـ +هــ = الله ]

[ ر + ا + حـ + ة = راحـة ]




-ها قد ارتحت قليلاً...ولكنها راحة مؤقتة ودوائى الذى أخذته للتسكين فقط...

وساأبحث عن هذا الدواء حتى أجده..ومن يدرى قد يجدنى هو..



الخميس، أبريل 02، 2009

السودان إن شاء الله..

خالى إبراهيم: أنا هاسفر فى آخر شهر ستة..!



إحنــــــــــــــا: فين إن شاء الله؟



خالى إبراهيم: السودان إن شاء الله..!



***

******



]وفى الختام..عليكم السلام[

[تم حذف باقى البوست لأن الأستاذ إبراهيم زعل جداً]


ونحب نقول للأستاذ إبراهيم من هنا...هو كل من زعل منا ومن اللى كتبناه:







الخميس، مارس 26، 2009

]شيـــئ منــــى[

تلكـ البداية..
وتتوالـى الأشيـاء..
-كنت قد دونت عدة فقرات فى مدونتى الورقية تحت العنوان السابق:
[شيــئ منـــى]
إمتزجت فيها أنواع الألم والحزن وساأعرضها كما دونتها وبترتيب فقراتها
-كانت بداية الكتابة تحت هذا العنوان منذ عـــام تقريباً
ظل الألم ملازماً لى فيها إلى أن قرأت كلمات أثرت فى وعندهـــا توقف الألم واستبدلته بالأمل..
كتبت فيها عن أصدقائى الذين أحببتهم وأثروا فى شخصياً...وبعد ذلك كتبت 5 رسائل كل منها كتبت-ضم الأول- فى وقت ضيق شديد جداً..
-إذاً هى 6 رسائل كاملة تحت هذا العنوان وقد يزيدوا واحدة...ولا يشترط التتابع..
علشان بصراحة محتاج أكتب عن خالى موضوع...ربنـا يستر وما يزعلش منه..
]وفى الختـــام..عليكم السلام[
.....
...
.

الأربعاء، مارس 18، 2009

[كلمــاتـــ...و...كلمـاتــ]

السلامـ عليكمـ
العضو الوحيد الذى لايتعب هو اللسان فهو على إستعداد للعمل لساعات مستمرة بدون تعب ويتفوه بكثير من الكلمات
**
[كلمـاتـ كثيرة تلك التى نقولهـا..منها مايرضى الله ومنها ماقد يغضبه..[
[كلمـاتـ من تفكيرنـا،وأخرى يفرض علينـا قولهـا[
[كلمـاتـ نعبر عنها بطريقة صحيحة، وأخرى بطريقة خاطئة[
[كلمـاتـ يتأثر بهـا الناس، وأخرى لايلقون بها بالاً[
[كلمـاتـ عبارة عن رسائل للحبيب، وأخرى تحذير للخصوم والأعداء[
[قد نحب من توجه له الكلمـاتـ، وقد نكرهه، وقد يكون ليس لنـا علاقة به، وقد تكونـ لمن نود إقامة علاقة معه، وقد تكون لإنهاء علاقة غير مرغوب فيها[
[كلمـاتـ نغضب حين قولها، وأخرى نقولها عند شدة الفرح[
[كلمـاتـ ندعى بها الفرح، وأخرى ندعى بها الحزن[
[كلمـاتـ نثاب عليها، وأخرى نعاقب عليها[
[نبدو أحياناً أساتذة كلام، وأحياناً أخرى كأن الله خلقنا بكم لانستطيع الكلام[
[كلمـاتـ نفكر قبل النطق بها، وأخرى تخرج من افواهنا بتلقائية وبدون تفكير[
[كلمات نتألم حين نسمعها، وأخر نتألم حين لم نسمعها[
[كلمـاتـ قد تقربنا من بعضنا وتزيل الحواجز فيما بيننا، واخرى تقيم الحواجز وتبعد المسافات[
[كلمـات تجعلنا نتقدم، وأخرى تجعلنا نتأخر[
[كلمات نرفع فى الدرجات العلى والفردوس الأعلى، وأخرى قد تهوى بنـا فى النار سبعين خريفا[
[هى أحياناً قرارات، وأخرى ردود أفعال، وأخرى إنسحاب، وأخرى تضرع وإبتهال، وأخرى سب وقذف، وأخرى لهو وعبث، وأخرى مجون وسفور، كلمـاتـ فرح وسرور، وأخرى هم وغم[
[كلمـات من تأليفنا، وأخرى من فهمنـا، وأخرى من منقولنـا، وأخرى أعجبنا بها، وأخرى لم نجد إلاهى، وأخرى أرغمنـا عليها[
[كلماتـ قد يرضى به الله عنا ويغضب بها الناس، وأخرى قد تغضب الله وترضى الناس[
[كلمـاتـ يكون بها الزواج، وأخرى يقع بها الطلاق[
[كلماتـ يدخل بها غير المسلم فى الإسلام، وأخرى يخرج بها المسلم من الإسلام[
[كلمـاتـ تيسر العسير، وأخرى تعسر اليسير وتعقد الأمور[
[كلمـات قد تكو سبباً فى شفاء مريض لايرجى شفاؤه، وأخرى تجعل من لمرضه دواء راقداً مهموماً[
[كلمـاتـ ترسم على الوجوه الإبتسامة، وأخرى ترسم إنكماش الوجه[
[كلمـاتـ ترفع الهمم، وأخرى لاتؤثر فيها، وأخرى تقتلها[
[كلمـاتـ تعطى الآمال وتفتح الأفاق، وأخرى تجعل من الإحباط سيداً للموقف[
[كلمـاتـ تكون عبارة عن شهادة حق، وأخرى عبارة عن شهادة زور[
[حكم ظالم، وأخر ظلم بين] [قرار حرب، وأخر قرار سلام] [أمر إعتقال وأخر إفراج].
**************
إذاً تتنوع الكلماتـ بتنوع الشخصيات والمواقف فلنتخير لأنفسنا ولنقول مايرضى الله والله فقط..
لنتخير لأنفسنـا الكلمـاتـ ولنعلم أننـا بها نكون،..وصدقونى بهذه الكلمات قد لانكون..
]وفى الختام..عليكم السلام[

الأحد، مارس 15، 2009

[..فقــرات متفرقــة..[

(1)
<<تكـررتـ شكـوى قلمــى منـى...
فتـارة لهجـره...
وأخــرى: لتكــرار مـا أمليـهـ عليـهـ>>
******************************************
(2)
<<مــــــزاجـــ>>
سمـا وميــا وخضـرة..
صوتــ عصافيــر وموجــة بحــر..
دماغــ رايقــة ومافيشــ مشاغــلـ..
ونفســ هاديـة ومافيشــ همومـــ..
ولوحدى خالصـ خالصـ..
*************************************
(3)
<<مشــ مـــزاجــــ>>
بإختصــار..
أسوء قــــرار..
إنكــ تقضى فى القاهرة مشوار..
لمــا تكــونـ الدنيــا بــرد..
وآه لو الجــو نـــــار..
وحتفضـــل مخنــــوق للآ خر..
لحــد مــا تـرجــع للــدار..

blogger templates | Make Money Online