.jpg)
السلام عليكم
مر على هذه المودنة عام+10 أيام
وبدون مقدمات ورغي ع الفاضي
ما رأيك في المدونة ومافيها..والعبد لله بيحب الصراحة جداً
فمن أراد ان يقول أن المدونة هي أفضل مدونة على الشبكة ومن وقت لآخر أدخل لأرى الجديد..بل إنني عندما أصبح ادخلها وقبل النوم وكذا قبل الأكل وبعده..فكأنني مريض والشخبطة هي الدواء..فمن قال ذلك فهو حر..!
آخر يقول: مدونة جيدة وبالتوفيق إن شاء الله..عادي برضه !
آخر غير الآخر التاني يقول: ياعم روح مدونة إيه وكلام فارغ إيه..انت بتصدق نفسك إنك مدون..ياعم روح إلعب مع بئوشة إبن حتتكم..قال مدونة قال..دا إنت أحسن لك تقفلها وتروح تدور على شغلانة تاكل منها عيش بدل ما إنت (قابع) في بيت أبوك الحج !
اللي ح يقول كده برضه عادي أوي..!
فالمرء قليل بنفسه كثير بمن حوله...فأرجوا إبداء أرائكم ونصائحكم !
21 Comments:
السلام عليكم ورحمة الله وبركاته
اخى الكريم المشخبطاتى
اعزكم المولى
يبدو ان حضرتك متحبش الاستحسان
لكن انا هقول رايى وامرى لله
راااااااااائعة جدا هذا من وجهة نظرى
دمتم بخير حااااااااااااال
فداء..
وعليكم السلام ورحمة الله وبركاته..
هل يتضح أني لا أحب الإستحسان إلى هذه الدرجة....كل من يتعامل معي يقل لي هذه الكلمات..هو ان كآبتي واضحة أوي كده؟! :D
شكراً على تقييمكم..وعذراً فلم أعرف كنهكم وهل انتم من أعضاء جوجل ام من عضواته :)
تحياتي وشكراً.
اخى
مخشبطاتى
دا انا شخبطتت كتير فى النت
وكتير فى الكشكول علشان خاطر مدونتك
جميله جدا وبالتوفيق ان شاء الله
أخويا بلال ..
طيب..الحمد لله :)
ياجدعان أنا عاوزكم تقولوا ان مابيعجبنيش كذا في المدونة واللي يقول لأ دا كذا دي هي أكتر حاجة عجبتني..,والله ياجماعة الخير مابزعل بالعكس انا بفرح جداً لما لاقي حد بينصحني..
:)
أنا عاوز دم :D
كل سنه و المدونه طيبه و الشخبطه بخير وحضرتك بكل صحه وسلامه
و دايما كدا من نجاح لنجاح بأذن الله
وعلى فكره الموضوع مش محتاج دم ولا حاجه كفايه قطعه جاتوه وكوبايه فيروز
بجد والله مدونتك رائعه وحضرتك ماشاء الله من الشخصيات المحترمه
الفاضلة/ راجية الرحمة..
ربنا يكرم أصلك يارب..وشكراً على الإطراء..
تحياتي.
السلام عليكم اخى مشخبطاتى وبردة المدونة رائئئئئئئئئئئئئئئعة
لاكن حضرتك عاوز الصراحة بردة المدونة جميلللللللللللللللة
وعلفكرة انا طبعى دايما بقول الصراحةةةةةةةةةةةة
ههههههههههههههههههههههههههههه
السلام عليكم ورحمة الله وبركاته
ازيك يا عم الحاج
كل سنة والمدونة بخير
على فكرة بقى انا ما بحبش اجامل وعشان كده كنت هنضرب من ناس كتير
لكن الصراحة مدونتك رائعة وعلطول تانى مدونة بفتحها بعد مدونتى هى مدونتك
وانت عاوز بقى ننصحك
انا مش جامد كده فى التدوين زيك
المفروض انت اللى تنصحنى
انا مستنى
الفاضلة زهرة الإسلام..
وعليكم السلام والرحمة..
مافيش دم برضه..ياخسارة !
طيب لو نصيحة حتى ..
شكراً..وتحياتي.
دكتور أبو مصعب..وعليكم السلام ورحمة الله وبركاته..
الحمد لله عم الحج بخير..وواضح على فكرة إنك مابتحبش تجامل :D
إلهي ربنا يبارك لك في مصعب ويجعله زي مصعب الأول..مصعب الخير :)
ـــــــــــ
تعليقك الثاني..جعلني أنتفخ زي الكورة المصنوعة من الجلد المطاط..واتنفخت ع الآخر..
يعني شوية غرور على حبة إعجاب بالنفس...شكراً على البهدلة :)
اخى مشخبطاتى
حضرتك عاوز نصيحة لاكن انا بقول نداؤء لكل المدونات لازم نفعل قضية فلسطين لان اسرائيل مش لاقية حد يوقفها ممكن احنا نعمل حاجة ولو بسيطة
اما بالنسبة للمدونة
انا فعلا لو مدونة معجبتنيش مابدخلهاش تانى لاكن مدونة حضرتك انا بدخلها باسترار يبقى اكيد مابجملش
دخولى لها لم يتعدى تدوينات معدودة
ومع ذلك أستطيع ان اقول ستكون مرجع مفيد لك عند الكبر فهى تحمل الكثير من ذكرياتك الخاصة
بالتوفيق دائما
وكل عام وانتم بخير
المدونه حقيقى جميله
واستايلها لزيز
حبيبي مشخبطاتي
أنا رأيي إن مدونتك رائعة وجميلة
وانا مريض وهي دوائي
صلي علي النبي
الأخت الفاضلة..زهرة الإسلام..
فعلاً قضية فليطسن لازم يوجه إليها التدوين الضء..وأفكر جدياً في كيفية العمل في هذه النقطة بطريقة جديدة..
لو عندكم جديد عرفونا.وشكراً.
موناليزا..
شكراً جداً..هو فعلاً دا السبب اللي أنشأت من أجله المدونة.. ((( الفضفضة )))
تحياتي.
عايش..
شكرأ جداً وفي رواية (شكرن جدن) :)
عمي عاشق :)
عليه الصلاو والسلام..منورني والله :)
انا بصراحة اول مرة ادخل المدونة وبجد حلوة بس فعلا يا ريت زي ما قالت اختي زهرة الإسلام نحاول ندعم قضية فلسطين
بيعجبني اقوي ان حضرتك بتعليق علي اكثر من مدونة لافت انتبهي وان شاء الله لي عودة
وإلي الأمام دائما وننتظر المزيد
Post a Comment